Vaqif Sadıqov: AFFA yaxın günlərdə bu məsələ ilə bağlı qərarını verəcək

AFFA-nın Məşqçilər Komitəsinin rəhbəri Vaqif Sadıqov Şahin Diniyevin "Kəpəz"in baş məşqçisi təyin olunandan sonra onun yerinə hələ də başqa bir mütəxəssisin təyin olunmamasına münasibət bildirib. Azerisport.az saytına açıqlamasında o, bunları söyləyib:

"Biz Məşqçilər Komitəsinin üzvlüyünə Əsgər Abdullayevin namizədliyini irəli sürmüşük. Yaxın günlərdə AFFA rəhbərliyi onun namizədliyinə baxıb, qərarını verəcək. Sadəcə, son dövrlərdə işlər həddən artıq çox oldu. Fikrimcə, qısa bir zamanda bu məsələ həllini tapacaq".