Vaqif Sadıqov: Cavid Hüseynovun karyerasının üstündən xətt çəkmək tezdir
AFFA-nın Məşqçilər Komitəsinin rəhbəri Vaqif Sadıqov jurnalist Rasim Əliyevin döyülərək öldürülməsində əli olduğu bildirilən "Qəbələ"nin və milli komandamızın yarımmüdafiəçisi Cavid Hüseynovla bağlı fikirlərini açıqlayıb. Azerisport.az saytına açıqlamasında o, bunları söyləyib:
"Bu hadisəni necə qarşıladım? Necə qarşılaya bilərəm ki? Bu, nəinki idmançıya, heç sıravi bir insana da yaraşmır. Amma gəlin tələsik qərar çıxarmayaq. Hazırda istintaq gedir. Yekun qərarı gözləyək, ondan sonra hansısa nəticə çıxarmaq olar. Hüseynovun karyerasının üstündən xət çəkmək haqda danışmaq tezdir. Çünki öncə onun bu işdə günahının olub-olmadığı sübuta yetirilməlidir. Hadisə baş verən gündən indiyə qədər ancaq versiyaları eşidirik. Mən sadəcə, ədalətli bir qərar çıxarılacağına əminəm".
