UEFA Panatinaikosla Qəbələ arasındakı ilk matçın keçirilmə yerini dəyişdi

Məlum olduğu kimi, “Qəbələ” UEFA Avropa Liqasının pley-off mərhələsində Yunanıstanın "Panatinaikos" klubu ilə qarşılaşacaq. Azerisport.az xəbər verir ki, komandamız qrup mərhələsinə vəsiqə uğrunda bu rəqibi ilə ilk görüşünü püşkə əsasən, səfərdə keçirməliydi.

Lakin UEFA bu komandalar arasındakı ilk görüşün yerini dəyişib. Belə ki, "Qarabağ" da ilk matçını səfərdə, cavab görüşünü evdə keçirəcəyindən, qitə futbol qurumu "Qəbələ"nin yunanlarla ilk matçının Bakıda keçirilməsinə qərar verib.

Qeyd edək ki, bu mərhələnin ilk oyunları avqustun 20-də, cavab matçları 27-də keçiriləcək.