Georgi Nikolov: Atletiklə heç-heçə uğurlu nəticədir

"İnter"in prezidenti Georgi Nikolov komandanın Avropa Liqasının üçüncü təsnifat mərhələsi çərçivəsində İspaniyanın "Atletik" klubu ilə mübarizədə uduzmasına (ilk oyun 0:2, cavab matçı 0:0) münasibət bildirib. Azerisport.az saytına açıqlamasında o, bunları söyləyib:

"Futbol ictimaiyyəti sağ olsun ki, klubumuzun Avropa Liqasında bu ilki çıxışını yüksək qiymətləndirir. Hesab edirəm ki, komandamız İspaniya "Atletik"i ilə də layiqli mübarizə apardı. "Atletik"lə heç-heçəni uğurlu nəticə saymaq olar. Buna baxmayaraq, çıxışımızı başa vurmağımız mənə ağır təsir etdi. Çünki mübarizəni davam etdirməyimizi istəyirdim. Lakin indiki mərhələdə bu, bizim maksimumuz idi".