Məhəmməd Mirzəbəyov: Belə hərəkətləri ancaq axmaq adamlar edə bilərdi

"Qəbələ"nin müdafiəçisi Məhəmməd Mirzəbəyov Avropa Liqasının üçüncü təsnifat mərhələsi çərçivəsində Kiprin "Apollon" klubuna qarşı keçirəcəkləri cavab matçı öncəsi fikirlərini açıqlayıb. Azerisport.az saytına açıqlamasında o, bunları söyləyib:

"Bizi heç də asan oyun gözləmir. Bütün matç ərzində diqqətli oynamalıyıq. Konsentrasiyanı itirməməliyik. Həm müdafiədə, həm də hücumda maksimum diqqətli oynamalıyıq. Səfərdə keçirdiyimiz ilk oyunda kiprli fanatlar yaxşı hərəkət etmədilər. Sanki tribunada onlara kimsə rəhbərlik edirdi. Belə hərəkətləri ancaq axmaqlar edə bilərdilər. Amma ev oyununda biz belə təxribatlara getməyəcəyik. Öz oyunumuzu oynayıb, qələbə qazanmaq haqda düşünəcəyik".