Qurban Qurbanov: Doğma meydanda, azarkeşlərimiz qarşısında uduzmağı sevmirəm

"Qarabağ"ın baş məşqçisi Qurban Qurbanov UEFA Çempionlar Liqasının üçüncü təsnifat mərhələsi çərçivəsində Şotlandiyanın "Seltik" klubunu keçə bilməməklərinə təəssüfünü dilə gətirib. Azerisport.az xəbər verir ki, ağdamlıların çalışdırıcısı bunları söyləyib:

"Qarabağ"ın zəif oynadığını deməzdim. Hətta zəif oynasaq da, bunu demərəm. Oyundan razıyam, nəticədən isə yox. Biz də qələbə qazanmaq istəyirdik. Bunu kim istəməz ki? Öz azarkeşlərimiz qarşısında uduzmağı sevmirəm. Futbolçularımız maksimim güclərini sərf etdilər. Yerli futbolçuların hər biri bizə lazımdır. Onlar həm avrokuboklarda, həm də çempionatda bizə kömək edəcəklər. Onlara inanırıq. Amma hər bir futbolçu səhv edə bilər. Avrokuboklardakı son oyunlarımızda qələbə qazana bilmirik".