5 avqust 2015 20:00
Apollonun baş məşqçi cavab matçı öncəsi danışmaqdan imtina etdi
Avropa Liqasının üçüncü təsnifat mərhələsi çərçivəsində "Qəbələ" ilə mübarizə aparan Kiprin "Apollon" klubunun baş məşqçisi Pedro Emanuel Bakıda keçiriləcək cavab matçı öncəsi müsahibə verməkdən imtina edib. Azerisport.az xəbər verir ki, portuqaliyalı mütəxəssis daha öncə mətbuat konfransından da imtina etmişdi.
O, bildirib ki, yalnız cavab qarşılaşmasından sonra mətbuata açıqlama verəcək.
Qeyd edək ki, "Qəbələ" - "Apollon" matçı sabah "Bakcell Arena"da keçiriləcək. Kiprdə baş tutan ilk oyun 1:1 hesabıyla başa çatıb.
