Premyer Liqada 23 ilin rekordçuları
Bu həftə Premyer Liqada 24-cü mövsümün ilk oyunları baş tutacaq. Azerisport.az xəbər verir ki, nəticəsi ləğv olunan matçlar nəzərə alınmamaqla, arxada qalan 23 çempionatda 2680 futbolçu iştirak edib.
1992-ci ildə start götürən yarışda ən çox oyun keçirən futbolçu Mahmud Qurbanovdur. 421 oyuna çıxan sabiq yarımmüdafiəçi Azər Məmmədovdan 23, Aslan Kərimovdan 29 matç öndədir. Karyerasını davam etdirən oyunçulardan yalnız ikisi – Rəşad Abdullayev və Rəşad Sadiqov ilk 10 futbolçu arasında yer alıb.
23 ildə 1275 futbolçu rəqib qapısına qol vurub. Bombardirlər siyahısına 183 dəfə fərqlənən Nazim Əliyev başçılıq edir. O, Müşfiq Hüseynovdan 58 qol çox vurub. 3-cü olan Rövşən Əhmədov ən sərrast oyunçu Əliyevdən 67 top geri qalır. İlk 10 pillədə qərarlaşanların hər biri futbolçu karyerasını başa vurub.
Premyer Liqada ən çox oyun keçirən 10 futbolçu:
1. | Mahmud Qurbanov | 421 |
2. | Azər Məmmədov | 388 |
3. | Aslan Kərimov | 382 |
4. | Aqil Məmmədov | 363 |
5. | İsmayıl Məmmədov | 351 |
6. | Rəşad Abdullayev | 337 |
7. | Kənan Kərimov | 327 |
8. | Rəşad Sadiqov | 318 |
9. | Nadir Nəbiyev | 316 |
10. | Mübariz Orucov | 311 |
Premyer Liqanın 10 ən yaxşı bombardiri:
1. | Nazim Əliyev | 183 |
2. | Müşfiq Hüseynov | 125 |
3. | Rövşən Əhmədov | 116 |
4-5. | Qurban Qurbanov | 115 |
Samir Ələkbərov | 115 | |
6. | Alay Bəhramov | 108 |
7. | Nadir Nəbiyev | 103 |
8-9. | Xaqani Məmmədov | 102 |
Vadim Vasilyev | 102 | |
10. | Kənan Kərimov | 101 |
