Zirə Rudarın futbolçusu ilə gücləndi

“Zirə” heyətini daha bir futbolçu ilə gücləndirib. Azerisport.az xəbər verir ki, Premyer Liqanın debütantı İqor İvanoviçi heyətinə qatıb.

24 yaşlı çernoqoriyalı yarımmüdafiəçi ilə 2 illik müqavilə bağlanıb. İvanoviç vətənində “Rudar”ın formasını geyinib. Ötən mövsüm Çernoqoriya çempionluğunu qazanan İqor 13 qolla bombardirlər cədvəlində 2-ci yeri tutub və komandasının aparıcı oyunçularından biri olub. İvanoviç “Rudar”a qədər Serbiyada “OFK Belqrad” klubunun şərəfini qoruyub. Yarımmüdafiəçi 2011-ci ildə Çernoqoriyanın 21 yaşa qədər futbolçulardan ibarət yığma komandasının formasını geyinib.

Qeyd edək ki, İvanoviç bir müddət öncə ÇL-in ikinci təsnifat mərhələsi çərçivəsində "Qarabağ"a qarşı oyunların iştirakçısı olmuşdu.