İnterlə Atletikin kapitanları Piçiçinin büstü önünə gül dəstəsi qoydu

Avropa Liqasının üçüncü təsnifat mərhələsi çərçivəsində İspaniyanın "Atletik" klubu ilə Bakı "İnter"i arasındakı ilk oyundan öncə Bilbao təmsilçisinin əfsanəvi futbolçularından biri anılıb. Azerisport.az xəbər verir ki, komandaların kapitanları - Karlos Qurpegi ilə Səlahət Ağayev "Atletik"in sabiq hücumçusu Rafael Moreno Aransadinin büstü önünə gül dəstəsi qoyublar.

Qeyd edək ki, bu futbolçu "basklar"ın heyətində 1911-1921-ci illər aralığında oynayıb və nəinki bu komandanın, bütövlükdə İspaniya futbolunun əfsanələrindən hesab olunur. Təsadüfi deyil ki, hər mövsüm İspaniya çempionatının ən yaxşı bombardirinə onun adını daşıyan mükafat təqdim olunur.