Səlahət Ağayev: Hətta 0:1 hesabıyla uduzsaq belə, hər şey Bakıda həll olunacaq

"İnter"in qapıçısı Səlahət Ağayev Avropa Liqasının üçüncü təsnifat mərhələsi çərçivəsində İspaniyanın "Atletik" klubuna qarşı keçirəcəkləri ilk oyun haqda danışıb. Azerisport.az saytına açıqlamasında o, bunları söyləyib:

"Bilbaodakı oyuna proqnoz vermək çətindir. Sözsüz ki, biz məğlubiyyət barədə düşünmürük. İstərdik ki, cütün taleyi Bakıda həll olunsun. Ona görə səfərdə 0:1 hesabla məğlub olsaq belə, bunu faciəyə çevirmək lazım deyil. 0:1 olsa, deməli duelin taleyi Bakıda həll olunacaq. İstənilən halda "İnter" 90 dəqiqə mübarizə aparacaq, sona qədər oynayacağıq".