Qəbələ sabiq qapıçısını geri qaytarıb, Avroliqa üçün sifariş etdi
Azərbaycanı Avropa Liqasında təmsil edən "Qəbələ" heyətinə daha bir futbolçu cəlb edib. Azerisport.az xəbər verir ki, bölgə klubu sabiq qapıçısı David Petrkeviçi geri qaytarıb.
Artıq o, Avroliqanın üçüncü təsnifat mərhələsi çərçivəsində qarşılaşacaqları Kiprin "Apollon" klubu ilə oyunu üçün açıqlanan sifariş ərizəsinə də daxil edilib.
Xatırladaq ki, Petrkeviç ötən mövsüm "Qəbələ"də çıxış edirdi. Lakin o, bu klubda cəmi 10 oyunda meydana çıxmışdı. 2012/13 mövsümündə "Simurq"dakı çıxışı ilə daha çox tanınan Petrkeviç çox güman ki, üçüncü qapıçı olacaq. Çünki ondan əlavə "Qəbələ"də Dmitri Bezotosnı ilə Andrey Popoviç də çıxış edir.
Yeri gəlmişkən, "Qəbələ" hələ yeni transferi Ermin Setzi iştirak ərizəsinə daxil etməyib. Amma son 24 saatda onun da sifariş vərəqəsinə salına bilər.
