Millimizin sabiq hücumçusu dubla imza atdı

Latviya birinci liqasında 15-ci turun oyunları keçirilib. Azerisport.az xəbər verir ki, Azərbaycan yığmasının sabiq hücumçusu Vüqar Əsgərovun komandası - "1625 Liepaya" da növbəti matçına çıxıb.

Sözügedən komanda səfərdə "Alberts"in qonağı olub. Qarşılaşma 5:1 hesabıyla futbolçumuzun klubunun xeyrinə başa çatıb. Əsgərov da bu oyunda dubla imza atmaqla yadda qalıb. O, 20 və 77-ci dəqiqələrdə rəqib qapısına yol tapıb.

Qeyd edək ki, "1625 Liepaya" 15 turdan sonra 33 xalla 4-cü pillədə qərarlaşıb və liderdən 6 xal geri qalır.