Xəzər Lənkəranın Türkiyə toplanışı başa çatdı

Yeni mövsümə hazırlaşan "Xəzər Lənkəran"ın Türkiyə toplanışı başa çatıb. Azerisport.az xəbər verir ki, cənub klubu bu gün vətənə qayıdacaq.

Yunis Hüseynov futbolçulara bir neçə günlük istirahət verəcək. Ayın 29-dan etibarən isə komanda yenidən məşqlərə start verəcək.

Qeyd edək ki, "ağ-yaşıllar" qardaş ölkədəki hazırlıq prosesi zamanı dörd yoxlama oyunu keçirib. Super Liqa təmsilçiləri "Kasımpaşa"ya 0:2 hesabıyla uduzan "Xəzər Lənkəran" digər elita təmsilçisi "Kayserispor"la bərabərə qalmışdı - 1:1. Qardaş ölkənin üçüncü liqa təmsilçiləri "Niğdəspor" (1:0) və "Dərincəspor"la qarşılaşmalar (2:1) isə cənubluların qələbəsi ilə bitib.