UEFA Azərbaycanın səkkiz hakimini təsdiq etdi

UEFA 2015/16 mövsümünün birinci yarısı üçün hakimlərin siyahısını açıqlayıb. Azerisport.az xəbər verir ki, siyahıda səkkiz azərbaycanlı hakim də yer alıb.

Futbol hakimləri arasında Əliyar Ağayev 2-ci kateqoriyalı olaraq qeyd olunubsa, Rəhim Həsənovla Orxan Məmmədov 3-cü kateqoriyaya aid olunub.

Qadın hakimlər arasında Səbayel Qurbanova və Yuliya Qurbanov da 3-cü kateqoriyalıdır.

Futzalda isə Elçin Səmədli 2-ci, Ramil Namazovla Yusif Nurullayev 3-cü kateqoriyalı hakim kimi göstərilib.