İnter Hafnarfyordur səddini çətinliklə də olsa, keçə bildi
Bu gün UEFA Avropa Liqasında ikinci təsnifat mərhələsinin cavab oyunları keçirilib. Azerisport.az xəbər verir ki, Azərbaycanı bu mövsüm qitənin nüfuzuna görə ikinci dərəcəli klub turnirində təmsil edən "İnter" də növbəti sınağına çıxıb.
Premyer Liqanın son mövsümünün gümüş mükafatçısı Avroliqanın ilkin təsnifat mərhələsindən mübarizəyə qoşulmuşdu. Paytaxt klubu Albaniya "Laçi"sini çətinliklə də olsa (səfərdə 1:1, evdə 0:0), mübarizədən kənarlaşdırmışdı.
"İnter" bu mərhələdə daha güclü İslandiya "Hafnarfyordur"u ilə mübarizə aparırdı. Səfərdə keçirilmiş ilk oyunda 2:1 hesabıyla üstün olmuş bakılıların mərhələ keçmək şansı kifayət qədər yüksək idi. Sadəcə, bunun üçün ev oyununda ən azı uduzmamaq yetərliydi. Əks halda bu, bağışlanmaz olacaqdı. Qarşılaşmada hesabı ilk yarının sonlarında məhz "İnter" açsa da, islandlar fasilədən sonra qısa müddət ərzində önə keçməyə nail oldular. Qalan vaxt ərzində hesab dəyişmədiyindən, əlavə vaxt təyin olundu. Əlavə vaxtın ilk dəqiqəsindəcə matçda tarazlıq yaradan bakılılar ümumi hesabda önə keçdiyindən, üçüncü təsnifat mərhələsinə də məhz "İnter" vəsiqə qazandı.
Avropa Liqası
İkinci təsnifat mərhələsi (cavab oyunu)
23 iyul
"İnter" - "Hafnarfyordur" - 2:2
Qollar: A.Hüseynov, 45+1 (1:0). T.Valdimarsson, 47 (1:1). K.F.Finnboqason, 52 (1:2). R.Əliyev, 91 (2:2).
Sarı vərəqə: K.F.Finnboqason, 40. K.F.Finnboqason, 56. C.Consson, 56. E.Palsson, 79. T.Valdimarsson, 84. P.Vidarsson, 90+2. R.Əliyev, 101. S.Ağayev, 113.
Qırmızı vərəqə: K.F.Finnboqason, 56.
Baş hakim: Yaroslav Kozık (Ukrayna)
Bakı. “İnter Arena”.
İlk oyun – 2:1.
"İnter": 25. Səlahət Ağayev (k), 3. Xuanfran, 4. Laşa Kasradze, 14. Zurab Xizanişvili, 30. Abbas Hüseynov (22. İlkin Qırtımov, 87), 7. Nika Kvekveskiri, 8. Nizami Hacıyev, 19. Mirhüseyn Seyidov (15. Stepan Polyak, 72), 24. Fuad Bayramov, 11. Rauf Əliyev, 23. Dieqo Martins (13. Mirsahib Abbasov, 55).
Ehtiyat oyunçular: 1. Georgi Lomaya, 5. Denis Silva, 10. Elnur Abdullayev, 45. İlkin Sadıqov.
Baş məşqçi: Zaur Svanadze.
"Hafnarfyordur": 12. Kristyan Finnboqason, 4. Sam Tillen (21. Bodvar Bodvarsson, 78), 5. Petur Vidarsson, 20. Kassım Dumbiya, 26. Conatan Hendriks, 8. Emil Palsson, 9. Thorarinn Valdimarsson, 10. David Vidarsson (k), 13. Byarni Vidarsson (18. Kristyan Floki Finnboqason, 38), 22. Jeremi Servi, 11. Atli Qudnason (23. Brinyar Qudmondsson, 97).
Ehtiyat oyunçular: 15. Qudmann Thorisson, 16. Con Consson.
Baş məşqçi: Heymir Qudyonsson.
