Raydell Pupon: Qarabağa keçid mənim üçün yaxşı imkan idi

"Qarabağ"ın yeni transferi Raydell Pupon Ağdam klubuna keçidindən danışıb. Azerisport.az xəbər verir ki, hollandiyalı hücumçu ölkəsinin mətbuatına açıqlamasında bunları söyləyib:

"Burada hər şey çox gözəldir. Azərbaycanda başqa mədəniyyət hökm sürür. Bakıda yaşayıram. Burada hava çox istidir. Bu şəhər müəyyən mənada Dubaya oxşayır.

"Qarabağ"a keçmək mənim üçün yaxşı bir imkan idi. Bu imkanı əldən verməməyə qərar verdim. Üstəlik, yaxınlarım da mənim qərarımı dəstəklədilər".