Karşıyaka Kamran Ağayevə görə 80 000 manat ziyana düşə bilər

Türkiyənin "Karşıyaka" klubu Azərbaycan yığmasının qapıçısı Kamran Ağayevlə müqavilə bağlamağa tələsmir. Azerisport.az xəbər verir ki, buna səbəb sözügedən klubun dörddən artıq legioner futbolçuya malik olmasıdır.

Beşinci legioneri də heyətinə qatacağı halda isə, "Karşıyaka" Türkiyə Futbol Federasiyasına əlavə 200 000 lirə (təxminən 80 000 manat) ödəməli olacaq. Bu üzdən də PTT 1-ci liqa təmsilçisi hazırda seçim qarşısında qalıb.

Maraq üçün qeyd edək ki, "Karşıyaka" Fil Dişi Sahilindən olan Bakari Soronu da transfer etmək istəyir. Türkiyə mətbuatı bu klubun Kamranın əvəzində yerli qapıçı ilə güclənməsi versiyasını da istisna etməyib.