Atletikin qapıçısı: İnterin Hafnarfyordur üzərində üstünlüyü var

İspaniyanın "Atletik" klubunun qapıçısıı Qorka İraisos Avropa Liqasının üçüncü təsnifat mərhələsində gözlədikləri potensial rəqibləri - Bakı "İnter"i ilə İslandiya "Hafnarfyordur"u barədə fikirlərini bölüşüb. Azerisport.az xəbər verir ki, o, bunları söyləyib:

"Bu komandaların cavab görüşünün nəticəsini gözləməliyik. Düzdür, "İnter"in ilk oyundan sonra üstünlüyü var. Onlar İslandiyadakı səfər oyunundan qələbə ilə qayıdıblar. Amma hər iki komanda bizim üçün naməlumdur. Əminəm ki, bizə rəqib olacaq komanda daha böyük istəklə mübarizə aparaaq. Üstəlik, yəqin hazırda həmin ölkələrdə ya çempionat gedir, ya da yenicə başlamaq üzrədir. Bu da həmin komandaların fiziki hazırlığının yaxşı səviyyədə olmasından xəbər verir".