Xəzər Lənkəran öncə dostluq, sonra yoxlama matçı keçirəcək

Yay təlim-məşq toplanışını Türkiyədə davam etdirən “Xəzər Lənkəran” bu gün dostluq matçı keçirəcək. Azerisport.az xəbər verir ki, Ramazan bayramı ilə əlaqədar qardaş Türkiyə Cümhuriyyətində əksər klubların qısamüddətli istirahəti səbəbindən cənublular əvvəlcədən bu günə planlaşdırılmış yoxlama oyununu dostluq matçı ilə əvəz edib.

“Xəzər Lənkəran” Bakı vaxtı ilə saat 20:00-da Türkiyə həvəskarlar liqasında mübarizə aparan “Antalya Kundu Spor” klubu ilə məskunlaşdığı otelin futbol meydançasında qarşılaşacaq.

İyulun 21-də isə "ağ-yaşıllar" Türkiyə Super Liqa təmsilçisi “Kayserispor” klubu ilə yoxlama oyununda qüvvəsini sınayacaq.