Qarabağın Rudarla cavab oyunu bolqar hakimlərə tapşırıldı

Azərbaycan çempionu "Qarabağ"ın UEFA Çempionlar Liqasının ikinci təsnifat mərhələsindəki rəqibi - Çernoqoriya "Rudar"ı ilə cavab matçının hakim təyinatları açıqlanıb. Azerisport.az xəbər verir ki, qitə futbol qurumu bu qarşılaşmanı bolqarıstanlı hakimlərə həvalə edib.

Oyunun baş hakimi Georgi Kabakov olacaq. Ona Martin Marqaritovla Martin Venev köməklik edəcək. Dördüncü hakim isə Nikolay Yordanov olacaq.

UEFA Çempionlar Liqası
İkinci təsnifat mərhələsi (cavab oyunu)
22 iyul

"Rudar" - "Qarabağ"
Baş hakim: Georgi Kabakov
Yan xətt hakimləri: Martin Marqaritov, Martin Venev
Dördüncü hakim: Nikolay Yordanov (hamısı Bolqarıstan)
UEFA hakim-inspektoru: Françesko Byanki (İsveçrə)
UEFA nümayəndəsi: Tuqomir Frayman (Sloveniya)