Rudarın qapıçısı: Qarabağ favorit olsa da, bu, bizi qorxutmur
Çernoqoriyanın "Rudar" klubunun qapıçısı Miloş Radanoviç UEFA Çempionlar Liqasının ikinci təsnifat mərhələsi çərçivəsində Azərbaycan çempionu "Qarabağ"a qarşı keçirəcəkləri ilk oyun öncəsi fikirlərini açıqlayıb. Azerisport.az xəbər verir ki, o, bunları söyləyib:
"Qarabağ"ın yaxşı komanda olduğunu bilirik. Bir neçə oyununun videoyazısına baxmışıq. Heyətində Avropanın istənilən ölkəsində oynaya biləcək futbolçuları var. "Qarabağ"da daha çox iki braziliyalı futbolçu - Riçard Almeyda ilə Reynaldo fərqləndirilir. Onları neytrallaşdıra bilsək, bu, işin yarısının görülməsi demək olacaq. Əlbəttə, bizim də təcrübəmiz var. Amma "Qarabağ"ın favorit olduğunu hesab edirəm. Lakin bu, bizi qorxutmur. Bizim üçün vacib olan ilk oyunda yaxşı çıxış etməkdir. Bu, bizdə alınsa, doğma meydandakı görüşdə ümumi uğura nail ola və növbəti mərhələyə adlaya bilərik".
