Neftçinin sabiq qapıçısı Rusiya klubunda

"Neftçi"nin sabiq qapıçısı Saşa Stamenkoviç karyerasını Rusiyada davam etdirə bilər. Azerisport.az xəbər verir ki, serbiyalı qapıçı hazırda bu ölkənin "Krılya Sovetov" klubunda baxışdadır.

Stamenkoviç hətta ÇSKA ilə yoxlama oyununda (0:2) da iştirak edib. Danışıqlar davam edir. Klub Saşanı bəyənsə və danışıqlar uğurla başa çatsa, tezliklə müqavilə imzalanması gözlənilir.

Qeyd edək ki, 30 yaşlı qolkiper 2011-ci ildən "Neftçi"də çıxış etsə də, bu yay paytaxt klubundan ayrılmışdı.