Elnur Allahverdiyev Xəzər Lənkərana qayıdır?

Azərbaycan yığmasının sabiq müdafiəçisi Elnur Allahverdiyevin "Xəzər Lənkəran"a qayıdacağı barədə xəbərlər yayılıb. Azerisport.az xəbər verir ki, ötən ilin sonunda "Neftçi"dən qovulan futbolçu həmin vaxt karyerasını başa vurduğunu açıqlamışdı.

Amma yayda onun karyerasını AZAL-da davam etdirəcəyi barədə xəbərlər yayıldı. Paytaxt klubunda yaranan maliyyə problemləri isə Elnurun "təyyarəçilər"lə anlaşmasına problem yaratdı.

İndi də onun "Xəzər Lənkəran"a qayıdacağı iddia olunur. O, karyerasını bərpa edib, 2010-2013-cü illər aralığında şərəfini qoruduğu cənub klubuna qayıtmaq istəyir.

Amma klubdan aldığımız məlumata görə, XL Allahverdiyevlə maraqlanmır.