Vukoviç: Neftçi favorit olsa da, biz onları keçmək üçün əlimizdən gələni etdik

Çernoqoriyanın "Mladost" klubunun hücumçusu İvan Vukoviç Avropa Liqasının birinci təsnifat mərhələsi çərçivəsində "Neftçi"yə qarşı keçirdikləri cavab oyununu şərh edib. Azerisport.az xəbər verir ki, o, bunları söyləyib:

"Çətin oyun oldu. "Neftçi" böyük klubdur. Amma hərdən adlı-sanlı komandalar da qalib gələ bilmirlər. Biz bu cütün autsayderi idik. Lakin qələbə qazanmaq üçün əlimizdən gələni etdik. Azarkeşlərimizin də bu zəfərdə payı var, çünki onlar da bizə sonadək inandılar. Qarşıda "Kukesi" ilə oyun, bu oyuna hazırlaşmaq üçün bir həftə vaxtımız var. Ümid edirəm ki, bu komanda ilə oyunlarda da uğur əldə edəcəyik".