Dinamoya ilk qolu Zenyov yox, Məmmədov vurub

"Qəbələ" Avropa Liqasının birinci təsnifat mərhələsində Tiflis "Dinamo"suna qarşı keçirilmiş cavab oyununda vurulan ilk qolla bağlı açıqlama yayıb. Azerisport.az xəbər verir ki, açıqlamada bunlar qeyd olunub:

"Qəbələ" - "Dinamo" matçında ilk qolun muəllifi UEFA-nın rəsmi səhifəsi tərəfindən 9 nömrəli futbolçumuz Sergey Zenyov kimi göstərilsə də, əslində rəqib qapısından topu 11 nömrəli futbolçumuz Asif Məmmədov keçirib. UEFA yəqin ki, yaxın günlərdə bu məsələdə düzəliş edəcək".