İnter Laçi ilə oyunda anşlaq gözləmir

Avropa Liqasının birinci təsnifat mərhələsi çərçivəsində "İnter"lə Albaniyanın "Laçi" klubu arasında Bakıda baş tutacaq cavab oyununa bilet satışı davam edir. Azerisport.az xəbər verir ki, bakılılar bu oyun üçün 3000 bilet satışa çıxarıblar.

Baxmayaraq ki, "İnter Arena" 8000 azarkeş tutumuna malikdir. Ötən axşama olan məlumata görə, bu oyuna mindən bir az artıq bilet satılıb. Bir sözlə, "İnter" - "Laçi" görüşündə anşlaq gözlənilmir. Baxmayaraq ki, növbəti mərhələyə adlamağa əsas namizədlərdən olan paytaxt klubuna ev oyununda azarkeş dəstəyi çox vacibdir.

Qeyd edək ki, "İnter" - "Laçi" matçı "İnter Arena"da keçiriləcək və saat 21:00-da start götürəcək.