Qara Qarayev: Rudarla matça qədər tam hazır olacağıq

"Qarabağ"ın yarımmüdafiəçisi Qara Qarayev Rusiyanın "Lokomotiv" klubuna qarşı keçirdikləri yoxlama oyununu şərh edib. Azerisport.az saytına açıqlamasında o, bunları söyləyib:

"Maraqlı oyun oldu. Çernoqoriya "Rudar"ı ilə rəsmi oyun öncəsi bu, son sınağımız idi. Bütövlükdə, Avstriya toplanışımız yaxşı alındı. Əlbəttə, səhvlərimiz var. Amma hazırlıq üçün daha bir həftə vaxtımız var. Öz üzərimizdə çalışacacağıq və ayın 15-nə qədər tam hazır olacağıq".

Qeyd edək ki, "Qarabağ" UEFA Çempionlar Liqasının ikinci təsnifat mərhələsi çərçivəsində iyulun 15-də Tofiq Bəhramov adına Respublika stadionunda "Rudar"la ilk oyuna çıxacaq. Matç Bakı vaxtı ilə 21:30-da start götürəcək.