Erat müdafiəçi kimi oynadı, Fortuna qalib gəldi

Almaniyanın "Fortuna" klubu növbəti yoxlama oyununda qüvvəsini sınayıb. Azerisport.az xəbər verir ki, Düsseldorf təmsilçisi "TuS Haltern"lə qarşılaşıb.

Matç Azərbaycan yığmasının yarımmüdafiəçisi Toğrul Eratın klubunun 3:1 hesablı qələbəsi ilə başa çatıb. Millimizin üzvü ikinci hissədə meydana çıxıb. Baş məşqçi onu bu görüşdə sağ cinah müdafiəçisi kimi sınaqdan keçirib.