Elxan Məmmədov: Avropa Liqasının, ÇL-in finalına ev sahibliyi etməyimiz hələlik, yalnız ideyadır
Bakı Olimpiya stadionu 2017-ci ilin avrokubok oyunlarının finalına ev sahibliyi etməyəcək. Azerisport.az xəbər verir ki, bunu AFFA-nın baş katibi Elxan Məmmədov bildirib:
"Belə bir stadionumuz olduğu üçün gələcəkdə biz Avropa Liqasının, Çempionlar Liqasının final oyununa ev sahibliyi edə bilərik. Amma bunu zaman göstərəcək. Çünki qarşıdakı illər üçün çox sıx qrafikimiz var. Bakı gənclər arasında 2016-cı ilin Avropa Çempionatına, "Formula-1" yarışlarına, Ümumdünya Şahmat Olimpiadasına, İslamiadaya ev sahibliyi etməlidir. Təbii ki, biz avrokubokların finalı barədə də düşünürük. Amma bu, sadəcə, ideyadır. Çünki bütün bu tədbirlərin üst-üstə düşməsini istəmirik. Futbol yarışlarının finalını təşkil etmək çox böyük işdir və bu, böyük güc tələb edir".
