Məhəmməd Mirzəbəyov: Bizim Dinamo ilə oyuna hazırlıq üçün vaxtımız azdır
"Qəbələ"nin müdafiəçisi Məhəmməd Mirzəbəyov Avropa Liqasının birinci təsnifat mərhələsi çərçivəsində Gürcüstan "Dinamo"suna (Tiflis) qarşı keçirəcəkləri oyunlarla bağlı fikirlərini açıqlayıb. Azerisport.az saytına açıqlamasında o, bunları söyləyib:
"Bizi çox məsuliyyətli, ciddi oyunlar gözləyir. Son dərəcədə diqqətli olmalıyıq, yaxşı futbol nümayiş etdirməliyik. Əlbəttə, bizim hazırlıq üçün çox az vaxtımız var. Amma baş məşqçi qısa vaxt ərzində öz oyun üslubunu bütün futbolçulara aşılamağa çalışır. Fikrimcə, öz oyunumuzu tapmağa nail olacağıq. Allah eləsin ki, "Dinamo" ilə oyunlarda uğur qazanaq. Rəqibin indiki vəziyyəti ilə maraqlanmamışam. Çünki Gürcüstan çempionatını elə də ciddi izləmirəm. Bircə onu bilirəm ki, "İnter"in sabiq futbolçusu Aleksandr İaşvili hazırda "Dinamo"da çıxış edir".
