Elmar Baxşiyev: Qarabağın bəxti gətirsə, ÇL-in qrupunda oynaya bilər
Azərbaycan yığmasının sabiq yarımmüdafiəçisi Elmar Baxşiyev "Qarabağ"ın Çempionlar Liqasındakı şansları barədə danışıb. Azerisport.az saytına açıqlamasında o, bunları söyləyib:
"Hamı bilir ki, ən uğurlu çıxış daha çox "Qarabağ"dan gözlənilir. Çünki Ağdam klubunun komplektləşmiş heyəti var. Əlbətə, Muarem Muarem, Vüqar Nadirov, Leroy Corc çox qiymətli futbolçular idi. Amam hər halda Qurban Qurbanov nə etdiyini yaxşı bilir. "Lans"dan dəvət olunan Alharbi El-Jadeyuinin oyununu görmüşəm. O, Leroydan heç də zəif deyil. "Qarabağ"ın əsas üstünlüyü komanda oyunu sərgiləməsidir. Hamı komandanın bu mövsüm Çempionlar Liqasında da uğur qazanmasını gözləyir. Bəxt ağdamlıların üzünə gülsə, klubumuz bu turnirin qrup mərhələsində də oynaya bilər. Avropa Liqasındakı klublarımızla yanaşı, "Qarabağ"a da uğurlar arzulayıram".
