Prosineçki Xorvatiya ilə Olimpiya stadionunda qarşılaşmağımızı istəmir

Azərbaycan yığması AÇ-2016-nın seçmə mərhələsində Xorvatiyaya qarşı keçirəcəyi oyunu "Bakcell Arena"da oynayacaq. Azerisport.az xəbər verir ki, qarşılaşmanınTofiq Bəhramov adına Respublika, eləcə də Bakı Olimpiya stadionunda da keçirilməsi mümkün imiş.

Amma baş məşqçi Robert Prosineçki xorvatlarla bu arenalarda görüşməyə etiraz edib. O, həmyerlilərini daha kompakt "Bakcell Arena"da qəbul etməyi üstün tutub. Çünki burada azarkeş tutumu az olduğundan həm stadionu asan doldurmaq mümkündür, həm də tribunalar meydana yaxın olduğundan tərəfdarlarımızın rəqibə təzyiq imkanı çox olur.

Qeyd edək ki, Azərbaycan - Xorvatiya görüşü sentyabrın 3-də baş tutacaq.