Daniel Genov: İnterə keçə bilərəm

Bolqarıstanlı yarımmüdafiəçi Daniel Genov karyerasını Bakı "İnter"ində davam etdirə bilər. Azerisport.az saytına açıqlamasında o, bunu özü bəyan edib:

"İnter"ə keçə bilərəm. Belə bir variant var. Ancaq indi bu barədə dəqiq bir söz deyə bilmərəm. Çünki indi "İnter"ə keçməyimdə problem var. Buna səbəb mənim "Lokomotiv"lə müqaviləmin olmasıdır. Bakı klubunun mənə görə tələb olunacaq transfer haqqını ödəyib-ödəməyəcəyini bilmirəm. Amma özüm yenidən "İnter"də çıxış etməyi çox istəyirəm. Klub prezidenti Georgi Nikolovla söhbətimiz olub. Amma onunla maliyyə məsələsini müzakirə etmədik".

Qeyd edək ki, Genov 2010-2013-cü illər aralığında "İnter"də çıxış edib. O, 2011-2012 mövsümündə icarə əsasında "Simurq"da da oynayıb.