Per-Matias Heqmo: Azərbaycan yığmasının bu taktika ilə oynayacağını bilirdik

Norveç yığmasının baş məşqçisi Per-Matias Heqmo AÇ-2016-nın seçmə mərhələsi çərçivəsində Azərbaycana qarşı keçirdikləri oyundan danışıb. Azerisport.az xəbər verir ki, o, 0:0 hesabıyla başa çatan görüşdən sonra bunları söyləyib:

"Rəqibin bu taktika ilə oynayacağını gözləyirdik. Bilirdik ki, rəqib daha çox müdafiədə oynayacaq. Təbii ki, bu nəticə ürəyimizcə deyil. Bakıdakı oyunda 3-4 qol imkanımız olsa da, birini dəyərləndirə bilmişdik. Bu gün isə 7-8 qol epizodu yaratdıq. Lakin bunların heç birindən faydalana bilmədik".