Per-Matias Heqmo: Çoxdan idi start heyətini müəyyənləşdirməkdə belə çətinliklə üzləşmirdim

Norveç yığmasının baş məşqçisi Per-Matias Heqmo İsveç ilə yoxlama matçı ilə müqayisədə Azərbaycanla AÇ-2016-nın seçmə mərhələsi çərçivəsindəki görüşdə ciddi dəyişikliklər edə bilər. Azerisport.az xəbər verir ki, rəqibimizin çalışdırıcısı hətta start heyətini müəyyənləşdirməkdə çətinlik çəkdiyini açıqlayıb:

"Heyəti indidən açıqlamaq istəməzdim. Amma Hovlandın İsveçə qarşı necə oynadığını görmək mənə xoş idi. Həmçinin Nordtveytin yarımmüdafiədə oynaya biləcəyinə şübhə etmirəm. Baxmayaraq ki, "Borussiya"da ondan daha çox müdafiədə istifadə edirlər".

"Çoxdan idi mən belə çətin seçim qarşısında qalmırdım. Heyəti müəyyənləşdirmək problemli məsələyə çevrilib. Çünki komanda daxilində çox böyük rəqabət var".

Maraq üçün xatırladaq ki, Norveç mətbuatı yığmanın Azərbaycanla oyuna bu heyətlə çıxacağını proqnozlaşdırır:

Oryan Niland, Omar Elabdullayi, Even Hovland, Veqard Forren, Tom Heqli, Martin Edeqor, Stefan Yohansen, Hovard Nordtveyt, Per-Silian Şelbred, Aleksandr Soderlund, Coşua Kinq.