Qazaxıstan Azərbaycanla oynamaq istəyir

Azərbaycan yığması daha bir yoxlama oyunu keçirə bilər. Azerisport.az xəbər verir ki, millimizin Qazaxıstanla qarşılaşması variantı yaranıb.

Məsələ burasındadır ki, qazaxlar iyunun 16-da Kabo-Verde yığması ilə yoxlama oyunu keçirməklə bağlı razılığa gəlsələr də, rəqib komanda Almatıya gəlməkdən imtina edib. Qazaxıstan mətbuatının yazdığına görə, hazırda bu ölkənin yığması üçün iki variant var. Bunlardan biri Azərbaycan, digəri İraq yığması ilə yoxlama oyunu keçirməkdir. Lakin görüşün ümumiyyətlə baş tutmaması variantı da istisna olunmur.

Qeyd edək ki, iyunun 12-də Azərbaycan millisini Osloda Norveçlə AÇ-2016-nın seçmə mərhələ oyunu gözləyir.