Tuyqun Nadirov: FİFA-nın sanksiyası qalxmasa da, XL transfer edə bilər
"Xəzər Lənkəran"ın vitse-prezidenti Tuyqun Nadirov bəyan edib ki, artıq klub yeni transferlər edə bilər. Azerisport.z xəbər verir ki, o, bu məsələ ilə bağlı bunları söyləyib:
"İdman Arbitraj Məhkəməsinə (İAM) müraciət etmişik. Martın 2-də həmin iclasda klubun hüquqşünasları ilə birgə iştirak etmişik və qərarın absurd olduğunu sübut etməyə çalışdıq. Çünki həmin futbolçu ilə biz rəsmi müqavilə imzalamamışıq. Sadəcə, ilkin razılıq əldə edilib ki, əgər baş məşqçi onu bəyənsə, tibbi müayinədən uğurla keçsə, onunla müqavilə imzalanacaq. Mirça Rednik də Muharremoviçdən razı qalmadı, o heç Azərbaycana gələsi olmadı və onunla anlaşma imzalamadıq. O, FİFA-ya şikayət etdi. Muharremoviç 200 minə yaxın təzminat istəyirdi. Maraqlıdır ki, həmin məhkəməni “Xəzər Lənkəran” uddu. Sənəddə də qeyd edilir, amma sonra sanksiyanı da göstərirlər. İAM işi davam etdirir. İyunun 20-nə qədər yekun qərarın veriləcəyi gözlənilir. Hər halda futbolçu transfer etmək üçün başqa yollar var. Azad agent statusu olan oyunçuları dəvət edə, anlaşa bilərik. Yəni, müxtəlif yollar var".
