Tahir Gözəl: Qurban Qurbanovun uğurlarının davamının gələcəyinə inanıram

"Qarabağ"ın vitse-prezidenti Tahir Gözəl komandanın son uğurlarından danışıb. Azerisport.az xəbər verir ki, o, bunları söyləyib:

"Mövsüm "Qarabağ" üçün super alındı. Biz çox çalışırıq və öz işimizi sevirik. Manatın məzənnəsindəki dəyişikliyə baxmayaraq, biz öz məhsullarımızın qiymətini qaldırmadıq. Eyni zamanda da klubumuzu dəstəkləməyə davam etdik. "Qarabağ" Azərbaycanı təmsil etməyə layiqdir. Abdulbari Gözəl klubu mənə həvalə edib və komandanı daha da güclü etməyi tapşırıb. Həyat bizə Qurban Qurbanov kimi bir insanla çalışmağı nəsib edib. Mən onun uğurlarına inanırdım. Ümid edirəm ki, bu uğurların davamı gələcək".