Araz Abdullayev Qarabağ ilə final görüşünü buraxa bilər
"Neftçi"nin yarımmüdafiəçisi Araz Abdullayev Azərbaycan Kubokunun "Qarabağ"la final matçını buraxa bilər. Azerisport.az xəbər verir ki, buna səbəb futbolçunun Topaz Premyer Liqasının 36-cı turu çərçivəsində qarşılaşdıqları AZAL-la oyunda zədə almasıdır.
"Ağ-qaralar"ın baş məşqçisi Arif Əsədov saytımıza açıqlamasında bunları söyləyib: "İkinci hissədə Arazı zədə aldığına görə əvəzləməli olmuşduq. Düzdür, zədəsi çox da ciddi deyil. Amma bizim çox az vaxtımız var ki, onu sıraya qaytaraq. Həkimlərin dediyinə görə, sabahdan (bu gün) məşqlərə başlaya bilər. Hər şeyin yaxşı olacağına ümidliyəm".
Qeyd edək ki, zədə səbəbindən finalı buraxacaq digər futbolçu Flavinyodur. Baş məşqçi cəzalı duruma düşən Əziz Quliyevin də xidmətindən yararlana bilməyəcək.
