Nikolas Kanales: Finalın favoriti Qarabağdır

"Neftçi"nin hücumçusu Nikolas Kanalesin azerisport.az saytına müsahibəsi

- AZAL-a qarşı keçirdiyiniz mövsümün son oyunu barədə nə deyə bilərsiniz?
- Faciə. Qələbə qazanmaq istəyirdik ki, Azərbaycan Kubokunun final matçı öncəsi ən azı komandada psixoloji vəziyyəti yaxşılaşdıraq. Alınmadı.

- Deməli, psixoloji baxımdan komandada vəziyyət yaxşı deyil?
- Çətin olacaq. "Neftçi" arıq xeyli müddətdir qələbə qazana bilmir. Hətta mən sonuncu dəfə nə vaxt qələbə qazandığımızı unutmuşam. Deyəsən, bir ay öncə "Simurq"a qalib gəlmişdik. Biz komanda olaraq toparlana bilmirik.

- Belə olan halda "Qarabağ"a necə qalib gələcəksiniz?
- Fikrimcə, bu, mövsümdə qələbə qazanmadığımız son oyun olacaq. Amma etiraf edim ki, cütün favoriti "Qarabağ"dır.

- Mövsümün son oyununa çox azarkeş gəlmişdi...
- Bu, normaldır. Komanda qalib gələ bilmirsə, azarkeş sayı da azalacaq. Onlar sadəcə, oyunlara gəlməkdə məna görmürlər.

- Bir neçə epizodda komanda yoldaşlarınıza etirazınızı bildirirdiniz. Bu, nə ilə bağlı idi?
- İlk 15 dəqiqədə mənim ayağım ümumiyyətlə topa dəyməmişdi. Belə bir faktdan razı qalmaq mümkün deyil. Ona görə əsəbləşmişdim.

- Bəzi legionerlərin müqavilə müddəti başa çatır. Ola bilər ki, bu, onların oyununa təsir etsin?
- Biz peşəkar futbolçularıq və dşünmürəm ki, oyunumuz buna görə alınmır. Çünki müqaviləmizin müddəti hələ bitməyib. Baxmayaraq ki, əksər oyunçuların müqavilə barədə düşündüyü bir vaxtda oynamaq da çətin olur.

- Bəs sizdə bu baxımdan vəziyyət necədir?
- "Neftçi" hələ mənə müqavilə təklif etməyib. Amma mənə başqa klublardan təkliflər var, onlara baxıram. Həmin təkliflər xarici klublardandır.