Elnur Məmmədov Rəhman Hacıyevin azerisport qarşısında üzr istəməsini təmin etmədi

Ötən gün "Neftçi"nin icraçı direktoru Elnur Məmmədov redaksıyamıza zəng edərək komandanın yarımmüdafiəçisi Rəhman Hacıyevin saytımıza verdiyi müsahibəsinin təhrif olunduğunu iddia etməyə çalışdı. Azerisport.az xəbər verir ki, o, həmin səhvin düzəldilməsini tələb edirdi.

Lakin Məmmədova izah etdik ki, heç bir səhvə yol verilməyib və futbolçunun dediyi sözləri olduğu kimi dərc etmişik. "Neftçi" rəsmisi hətta redaksiyanın haqlı olacağı halda futbolçunun bizdən üzr istəyəcəyinə də söz verdi. Biz də öz növbəmizdə Hacıyevlə müsahibənin səsyazmasını qarşı tərəfə göndərdik.

Amma Elnur Məmmədov futbolçunu redaksiya qarşısında üzr istəməsini təmin etmədi.