İnterin futbolçuları Qarabağla oyunu boykot edir?

"İnter"in futbolçuları klubdakı maliyyə problemlərinə görə Topaz Premyer Liqasının 35-ci turunda qarşılaşacaqları "Qarabağ"la oyuna çıxmaqdan imtina ediblər. Azerisport.az xəbər verir ki, onlar borclarının ən yaxın zamanda ödənilməsini istəyirlər.

Məhz bu narazılıqlar səbəbindən ötən gün futbolçularla klub rəhbərliyi arasında görüş baş tutub. Klubun prezidenti Georgi Nikolov oyunçulara söz verib ki, borclar tezliklə ödəniləcək. Ondan sonra komanda üzvləri bu gün baş tutacaq ağdamlılarla oyuna hazırlığı davam etdiriblər.