Nazarov Karlsruenin qələbə qazanmasına kömək etdi

Almaniya ikinci Bundesliqasında 33-cü turun oyunları keçirilib. Azerisport.az xəbər verir ki, Azərbaycan yığmasının yarımmüdafiəçisi Dmitri Nazarovun komandası - "Karlsrue" də növbəti matçına çıxıb.

Sözügedən komanda səfərdə Braunşveyq "Ayntraxt"ı ilə qarşılaşıb. Görüş "Karlsrue"nin 2:0 hesablı qələbəsi ilə başa çatıb. Start heyətdə meydana çıxan Nazarov 77-ci dəqiqədə əvəzlənib.

Qeyd edək ki, "Karlsrue" hazırda 55 xalla 3-cü pillədə qərarlaşıb.