MY Yay Futbol Məktəbi Qax rayonunda seçim apardı
Azərbaycanın İlk Mobil Operatoru və Aparıcı Mobil İnternet Provayderi Bakcell şirkəti və Azərbaycan Futbol Federasiyaları Assosiasiyası “Mançester Yunayted” üçüncü Yay Futbol Məktəbinə seçimləri davam etdirir. Azerisport.az xəbər verir ki, növbəti seçim prosesi Qax rayonunda keçirilib. Nəticələri diqqətinizə çatdırırıq:
Vüqar Məmmədli, Elvin Qarayev, Elnur Muradlı, Əhməd Abbasəliyev, Fuad Osmanlı, Eşqin Ramazanov.
Yay futbol məktəbini təşkil etməkdə əsas məqsəd paytaxt və bölgələrdə yaşayan 8-12 yaşlı uşaqlar arasında gənc istedadları aşkar etmək və onların futbol sahəsində inkişafına töhfə verməkdir.
Azərbaycan Futbol Federasiyaları Assosiasiyasının (AFFA) dəstəyi ilə Bakı və Azərbaycanın bir sıra regionlarında aparılan seçim turlarından müvəffəqiyyətlə keçən 8-12 yaş arası (2003,2004,2005,2006 və ya 2007 təvəllüd) 32 gənc iyun ayının 1-dən 6-dək Bakıda, “Bayıl Arena” stadionunda təşkil olunacaq təlim-məşq toplanışlarında iştirak edəcək.
Seçimləri prosesini həyata keçirən AFFA-nın Elit Məşq layihəsinin məşqçiləri və Mançester Yunayted Futbol Məktəbinin baş məşqçisi Mick Bennett daha çox uşaqların texniki xüsusiyyətlərini sınaqdan keçirəcəklər. Seçimlərə qatılmaq üçün heç bir ödəniş tələb olunmur.
Qeyd: Növbəti seçim prosesi Xaçmaz rayonunda olacaq. Qeydiyyat mayın 14-də, saat 16:00-da Xaçmaz Olimpiya İdman Kompleksində keçiriləcək.
