Elmar Baxşiyev: İnter - Neftçi matçı çox gərgin keçəcək

Azərbaycan yığmasının sabiq kapitanı Elmar Baxşiyev Topaz Premyer Liqasının 33-cü turu çərçivəsində keçiriləcək oyunlarla bağlı proqnozlarını açıqlayıb. Azerisport.az saytına müsahibəsində o, bunları bildirib:

"Xəzər Lənkəran" - "Qarabağ"
Əlbəttə, üstünlük "Qarabağ"ın tərəfindədir. Onlar üçün bu oyunda qazanılacaq 3 xal çox vacibdir. Mənə elə gəlir ki, ağdamlılar qalib gələcəklər.

"Sumqayıt" - "Qəbələ"
Çox maraqlı oyun olacaq. "Qəbələ" üçüncü yeri tutmaq şansını saxlayır. Ona görə də bu görüşdə qələbə qazanmağa çalışacaq. "Sumqayıt" da son oyunlarında yaxşı futbol sərgiləyib. Bu üzdən də qələbənin hansı komandaya qismət olacağını proqnozlaşdırmaq çətindir.

"İnter" - "Neftçi"
Turun mərkəzi oyunudur. "İnter"ə qələbə qazanmaq lazımdır ki, çempionluq şansını saxlasın. "Neftçi" də bürünc medallar uğrunda mübarizə aparır. Əlbəttə, hər iki komanda qələbə qazanmağa çalışacaq. Bu üzdən də maraqlı oyun olacağını gözləyirəm.

"Bakı" - AZAL
"Xəzər Lənkəran" üzərindəki qələbədən sonra "Bakı"nın futbolçularında özlərinə inamın daha da artdığı aydındır. AZAL isə bu oyunda öz xal ehtiyatını yaxşılaşdırmağa çalışacaq.