Alfred Sanko: Qarabağdan xal almağa hazırlaşırıq

"Xəzər Lənkəran"ın yarımmüdafiəçisi Alfred Sankonun azerisport.az saytına müsahibəsi

- "Qarabağ"a qarşı keçirəcəyiniz oyundan nə gözləyirsiniz?
- Sonadək mübarizə aparacağıq. "Qarabağ" Premyer Liqanın ən güclü klublarından biridir. Amma bu, bizi qorxutmur.

- Mövsümün sonunda komandada qalacaqsınız?
- Bu barədə hələ heç nə deyə bilmərəm.

- Yeni müqavilə imzalamağı düşünmürsünüz?
- Mənim "Xəzər Lənkəran"la müqaviləm var. Yalnız onu deyə bilərəm ki, hələ getmək haqda düşünmürəm.

- Deyilənə görə, yayda komanda çox güclənəcək...
- "Xəzər Lənkəran"ın bu yöndə planlarından xəbərim yoxdur.

- Mövsümü Sadio Tounkarasız başa vurmaq çətin olmayacaq?
- Bu, böyük itkidir. Fikrimcə, o, qarşıdakı oyunlarda bizə çox kömək edərdi.

- XL niyə səfər oyunlarında çox uğursuz çıxış edir?
- Mən belə deməzdim. Biz "Sumqayıt"a həm səfərdə, həm də evdə qalib gəlmişik. Sadəcə, alınmayanda alınmır.

- Bəs "Bakı"ya son məğlubiyyəti nə ilə izah etmək olar?
- Dediyim kimi, sadəcə, alınmadı. Halbuki, biz pis oynamadıq. İndi isə "Qarabağ"dan xal almaq barədə düşünürük.