Mahir Mədətov: Ayntraxtda oynamaq istəyirəm
"Bakı"nın və yeniyetmələrdən ibarət yığma komandamızın yarımmüdafiəçisi Mahir Mədətov karyerasını Almaniyanın "Ayntraxt" klubunda davam etdirmək istəyir. Azerisport.az saytına açıqlamasında bunu gənc futbolçunun özü bildirib:
"Bakı" birinci diviziona düşsə, mənim burada qalmağımı heç klubda da istəmirlər. Çünki məni birinci divizionda oynamaq üçün hazırlamayıblar. Mənim Fransanın "Lans" və Almaniyanın "Ayntraxt" klubunda oynamaq seçimim var. Fransa variantı Hafiz Məmmədovdan asılıdır. Əgər o, istəsə, mən bu dəqiqə əşyalarımı toplayıb, Fransaya gedərəm. Almaniya variantı isə millimizin sabiq baş məşqçisi Nikolay Adamdan asılıdır. O, Frankfurt klubunun rəhbərliyi ilə danışmalıdır. Mənə deyiblər ki, onlar oyunumu bəyəniblər. Təbii ki, özümə qalsa, bu iki variantdan Almaniyada oynamağa üstünlük verərdim. Amma "Bakı" Premyer Liqada qalsa, mən də klubda qalmalı olacağam".
