Stanoyeviç: İnterlə matçdan sonra dedim ki, çempionat mənim üçün bitdi və Serbiyaya qayıtdım
"Simurq"un sabiq yarımmüdafiəçisi Marko Stanoyeviçin azerisport.az saytına müsahibəsi
- "Simurq"u tərk etdiyiniz doğrudur?
- Bəli, qalmaq istəmədim. Artıq Serbiyadayam.
- Rəhbərliklə danışdınız?
- Zaqatalada heç biri yox idi. Komandanı tərk edəcəyimi deyəndə də heç kim yox idi. Əşyalarımı toplayıb, evə döndüm.
- Son dörd turu oynamaqda məna görmədiyiniz üçün qayıtdınız?
- "İnter"lə oyundan sonra dedim ki, çempionat mənim üçün başa çatdı. Amma rəhbərlikdən heç kim buna reaksiya göstərmədi. Ona görə də bazanı tərk etdim, heç vidalaşmadım.
- Həmin oyunda etiraz aksiyası keçirmək ideyası kimə məxsus idi?
- Oyunçulara. Üç ay idi maaş, mükafat almırdıq. Rəhbərlik dedi ki, pul yoxdur, verə bilmirik. Bu da bizim etirazımız idi.
- Siz də Stepan Polyak kimi klubdan FİFA-ya şikayət edəcəksiniz?
- Hələ heç nə bilmirəm.
- "Şerif"də bu addımınzdan xəbərdardırlar?
- Xeyr, orada heç kimlə danışmamışam. Bu kluba məxsusam. "Simurq"a gəlincə, heç kim belə olacağını gözləmirdi.
