Fariz Nəcəfov: Qəbələnin 2-ci olmaq şansı da var
"Qəbələ"nin vitse-prezidenti Fariz Nəcəfov komandasının Avropa Liqasına vəsiqə qazanmaq şansının artmasından, eləcə də kubokun finalına ev sahibliyindən danışıb. Azerisport.az saytına açıqlamasında o, bunları söyləyib:
"Düzdür, Avropa Liqasına vəsiqə qazanmağa çox yaxınıq. Amma hadisələri qabaqlamamalıyıq. Qarşıda daha beş oyunumuz var. Bizim hətta ikinci olmaq şansımız da var.
Ölkə kubokunun finalının Qəbələyə təyin olunmasına gəlincə, bu, bizi sevindirməyə bilməz. Bu oyunu yüksək səviyyədə qəbul etməyə hazırıq. Qəbələdə bu oyunu görmək istəyən az azarkeş yoxdur. "Neftçi" və "Qəbələ" azarkeşləri arasındakı münasibətə gəlincə, belə xoşagəlməz məqamlar adətən, bu iki klub arasındakı şəxsi oyunlarda olur. İyunun 3-də isə "Neftçi" bizimlə yox, "Qarabağ"la qarşılaşacaq və heç bir xoşagəlməz hadisə qeydə alınmayacaq".
